Network
3) Gladhen kedaling lesan utawa pelafalan. Gladhen wirama, gayut karo seru lirih, cendhek dhuwur.
4) Olah basa: nggladhi nggunakake basa kang bener trep marang kahanan. Pranatacara kudu bisa nglarasake basa kang digunakake karo kahanan lan para rawuh.
Olah sastra: Nyinau bab kasusastran kang bisa digunakake nalika ngayahi jejibahan. Tuladha nggunakake tembang, parikan, lsp.
5) Olah raga: Prinsip Sapta-Ma
- Magatra, bleger wewujudan, rupa, adi ing sarira, edi ing busana, trep, pantes, luwes lan jangkep.
- Malaksana, tindak sapecak, sajangkah ditata runtut, luwes, mrabawa, manteb, lan ora inggah- inggih, ora wigah-wigih.
- Mawastha Ngadeg jejeg, ora kendho, ora dhoyong, sikil kiwa-tengen ora kakamban utawa keciyuten.
- Maraga, ora rongeh, ora edheg, ora gumeter, anteb anteng, obahing awak, sirah, gulu lumrah samadya, obah-owahing pasemon(raut muka) nggambarake ati.
- Malaghawa, trampil tregginas, ora remben, ngleler, ora angas gas-gasan. Cag ceg, lancer, gancar, sembada ingkarya.
- Matanggap, tanggap ing swasana(tahu situasi dan kondisi), bisa girang gembira, mesem ngguyu marang kang athuk kabegjan kanugrahan, bisa kucem luyu, susah sedhih belasungkawa marang kang nandhang dhuhkita.
